Ôi ntri (10/4), Bộ trưởng Bộ Nội vụ Phạm Thị Thanh Trà wơt Tổng Giám mục, Bộ trưởng Ngoại giao Tòa thánh Vatican Paul Richard Gallagher dôl geh hăn khâl Việt Nam. 

Bộ trưởng Phạm Thị Thanh Trà an gĭt, Việt Nam lah neh dak geh âk chroh rƀŭn, đah 16 ntil chroh, 36 mpôl chroh rƀŭn, 24 rkeh kon chroh, âk 27% rnoh nuĭh ƀon lan; tâm nê kon chroh bap lah 7 rkeh nuĭh. Ăp chroh rƀŭn n’hanh kon chroh tâm rnglăp krêp dêh, ndrel hăn rnoi nuĭh tâm rnôk rlăch ndăng rklaih luh rnoi nuĭh tâm ban kơt tâm n’gâng kan rgâl mhe, công nghiệp mhe, têh uĕh mhe aƀaơ. Bộ trưởng Bộ Nội vụ Phạm Thị Thanh Trà lah rjăp, đah nău dơn kan lah nhih pah kan mât uănh ngih dak mpeh chroh rƀŭn, Bộ Nội vụ mbra uănh khlay tay, kan nsum đah Hội đồng Giám mục Việt Nam, nta trong dơh gay ntơh măt way gŭ kan bah Tòa thánh ta Việt Nam kan n’hanh tĭng ƀư ăp nău dơn kan ta Việt Nam. Tổng giám mục, Bộ trưởng Ngoại giao Tòa thánh Paul Richard Gallagher nsing nơm mpôl chroh bap Việt Nam mbra geh âk nău rgop lơn đŏng tâm rơh hun hao neh dak Việt Nam. Nkre, mpŏng, đah nău ntơh măt way gŭ kan lor bôk năp bah Tòa thánh ta Việt Nam,  tâm boh đah Tòa thánh n’hanh Việt Nam geh tay ăp njuat hun hao khlay./.