Ôi 11/3, Bộ trưởng Tài Nguyên n’hanh Môi trường Đặng Quốc Khánh ndrel mpôl pah kan hŏ geh rơh pah kan ta n’gor Gia Lai mpeh lôch  jêh geh  pah kan mât uănh ngih dak tâm trong kan tài nguyên n’hanh môi trường. Tĭng nău mbơh, n’gor Gia Lai hôm mâp âk jêr  jŏt  tă bah mô hŏ n’gluh nău n’glêh an quy định na nê̆  nău dơi tăch blah neh, nău dơi n’glăp nsum blah neh tĭng ntil neh n’hanh rnoh dŭt đêt dơi tăch luh blah đah tĭng ntil neh; Mô hŏ geh ntĭm nti na nê̆ nău tĭng ƀư rgâl dŏng neh bri jêng ƀư nău kan êng ƀa ƀă.

N’gor Gia Lai dăn đă Chính phủ, Ban Bí thư nkra nkô̆ nău ƀon lan rŭn in neh tăch bri hôm nha geh bah ntơm tât aƀaơ. Dăn đă rgâl trong kơl pháp luật mpeh neh bri, neh ntu tĭng ƀư jao neh bri mô hŏ geh bri gay tăm bri. Lah n’glôch jêh rơh pah kan,  Bộ trưởng Tài Nguyên n’hanh Môi trường Đặng Quốc Khánh dăn đă, tâm let năp tay, Gia Lai ân uănh khlay tât pah kan mât uănh neh ntu, nkra nău dŏng neh ntu đăp  mpăn di rêng pah kan mât uănh neh ntu, nkra nău dŏng neh ntu đăp  mpăn di tĭng rêng n’hanh quy định bah pháp luật. An tĭng ƀư tay pah kan njêng bản đồ địa chính, hồ sơ địa chính n’hanh ntŭk rgum prăp nău lư neh ntu du trong geh nău tam./.