Ôi 12/1, Kruanh Quốc hội Trần Thanh Mẫn lĕ tât khâl, an ndơ ăp rnăk dơi kơl, nuĭh geh nău rêh jêr jŏt ta n’gor Hậu Giang. Kruanh Quốc hội Trần Thanh Mẫn lĕ tât khâl, an ndơ ăp rnăk dơi kơl, nuĭh geh nău rêh jêr jŏt ta n’gor Hậu Giang di rơh nchrăp wơt Tết way ơm Ất Tỵ 2025.

350 nklâm ndơ lĕ dơi Kruanh Quốc hội Trần Thanh Mẫn n’hanh mpôl pah kan jao an tât ăp rnăk, mphung pah kan n’hanh nuĭh rnoi mpôl đêt ta nkuăl Châu Thành A n’hanh Phụng Hiệp, ƀư nău uănh mĭn, mât uănh bah Đảng, ngih dak đah ăp nău rêh jêr jŏt, ngăn lah ăp rơh Tết tât năm mhe. Kruanh Quốc hội djôt dơn, rnê rhơn ăp ntŭk tâm n’gor lĕ ƀư uĕh trong kan đăp mpăn nău rêh jêng, tâm nĕ nkuăl Châu Thành A, bôl hôm e jêr jŏt yơn lĕ rgŏ jă ndâk ƀư geh 185 mlâm jay tâm rnglăp, mât uănh bơi 2.500 nklâm ndơ Tết an ăp nău rêh mô lap đah dĭng lĕ rlău 1,5 rmen prăk.