Pơh bôk năp lah ăp nău ƀư ta xã Biển Hồ ntơm bah nar 30/10 tât 1/11, đah ƀư ntơm pơk ta jâng gung jay nhih ƀon Ia Gri. Rơh tăch ndơ nklăp 30 ndrơng ndơ nkoch mbơh ndơ sa, ndơ OCOP, ndơ kah ta ntŭk. Nar 31/10, xã Biển Hồ mbơh ndơ pâl nđaih nsum mpôl ƀon Ia Nueng n'hanh rdâk ƀư tay ôp brah rhơn jay nhih mhe bah nuĭh Jrai ta ƀon Ia Gri.

Ndrel rnôk aơ, rơh tâm rlong nchuăt "Gia Lai City Trail – Giấc mơ đại ngàn" tâm rgop nău kan thể thao đah uănh saơ ntŭk ntô bah ntŭk. Ntơm bah nar 6 tât 8/11, ăp nău ƀư rgum ta phường Pleiku, geh lễ hội trong nkual ƀon têh, tâm nđŭr văn hóa way ơm, nkoch mbơh ndơ ngêt sa, ndơ lŏ mir n'hanh cà phê Gia Lai. Bôk nău kan njroh mprơ "Măng chĭng gong" ƀư măng nar 7/11 ta Quảng trường Đại Đoàn Kết, mpơl tay ntŭk ntô văn hóa nkre đah nău rêh nsum mpôl, gay năch gĭt wât lơn mpeh drăp ndơ ơm yău ntlơi an tay ma nău ƀư brah, nău kan way ơm n'hanh nău rêh bah ƀon lan. Di rơh aơ, Gia Lai ƀư mbơh nău ntrŭnh kơp dơn ndơ khlay gưl neh dak đah bor chĭng gong Kơ Đơ bah nuĭh Jarai. Bor chĭng ơm geh 8 păng, aƀaơ dơi mât prăp ta Bảo tàng Pleiku./.