Ta rơh mâp măt, Tổng Bí thư, Kruanh dak rnê prêh ăp nau rgop bah ăp rơh bu ur ntoh măt Quốc hội, nkre lah rjăp nau đă ƀư ueh nau blau, nau dăng ndrel nau kan bah bu ur tâm nau kan ndâk pháp luật, mêt uănh ndrel ntrŭnh ăp nau kan khlay bah neh dak. Quốc hội gưl XVI geh 150 bu ur ntoh măt, geh 30% rnoh ntoh măt. Tổng Bí thư, Kruanh dak ŭch rŏng ăp nuĭh ntoh măt bu ur lor nchrăp râng ntơm bah ơm tâm rnôk gŭ mĭn, rdâk njêng trong kơl; ƀư kloh tơm geh ngăn ngăn, nău tâm ban n'hanh nău dơi tĭng ƀư bah ăp nău ntrŭnh bâh  pháp luật. Nkre, ân mât nâp nău mĭn êng, lor nchrăp dăn đă nău mĭn mhe yor nău geh nsum, nking nchăng nău geh êng, nău geh rmôt khuch tât trong kơl. Tổng Bí thư, Kruanh dak hôm đă ăp nuĭh ntoh măt bu ur grêt dăch tâm dâng, djăt nău mĭn, nău ŭch bah cử tri; tĭng groi nđôi tât dŭt nău nkra ăp nău dăn đă bah nuĭh ƀon lan. Ngăn lah, ân nsôih râng nau ntrŭnh ăp nau kan hun hao văng sa - rêh jêng, tơm prăk năm 2027, đăp mpăn nau dơi ndrel nau geh tâm di bah bu ur ndrel ƀon lan, rgop nau ƀư ăp nkô̆ nau hun hao neh dak tât năm 2030, rƀŏng tât năm 2045.