Uănh khlay nău trok tâm, kơl an, trơn ntŭk gŭ mhe khuch ngăn tât nău rêh bah ƀon lan ndrel lĕ nău kan ntoh luh âk nău phong dôih, phong dôih jêr, jŏ jong, ăp ntoh măt ân lah, ân geh năl rnoh neh tâm dăch ma rnoh ngăn bah ntŭk kan tăch rgâl, kơl an ƀon lan ndơn rnoh trok tâm tâm di rnôk sŏk lơi neh.

Đah neh tuch tăm gŭ tâm trôm nkual ƀon lan gŭ geh tu tơm dŏng đăp mpăn rlău âk rơh kơn, đại biểu Lê Hữu Trí, mpôl kan bah Khánh Hòa dăn đă, mĭn uănh trong kơl trok tâm tâm di đah tu tơm neh, rnôk dŏng n'hanh nău khuch ngăn bah nău sŏk neh. Tĭng đại biểu Dương Khắc Mai, mpôl kan bah Lâm Đồng, ân ƀư kloh nkô̆ nău ntŭk gŭ mhe ân uĕh lơn ntŭk gŭ ơm đah ăp rnoh di na nê̆, dơi uănh năl. Ăp ntoh măt ân lah, Bôk nău nchrăp Luật lĕ uănh khlay lơn tât nău đă đăp mpăn nău rêh, tuch tăm, tăch rgâl ndrel ndâk tay nău rêh jêng ân nŭih geh neh geh sŏk lơi, yơn ân ƀư kloh lơn nău kan, nău dơi ƀư tĭng nău kơl an. Nău kan sŏk lơi neh ân geh uănh mô êng ma nău ngăch rklaih neh ma hôm nău dơi đăp mpăn nău rêh ndrel ndâk tay nău rêh jêng bah ăp nŭih geh nău khuch.