Nthoi tay bôk nău kan tâm nđŭr tâm rnglăp n’har bri Việt Nam - Trung Quốc tâl 8, ôi 12/4, ta n’gor Vân Nam, Trung Quốc hŏ ƀư ăp nău kan tâm nđŭr, Đại tướng Phan Văn Giang, Bộ trưởng Bộ Quốc phòng Việt Nam n’hanh Thượng tướng Đổng Quân, Bộ trưởng Bộ Quốc phòng Trung Quốc ndrel ƀư tơm ăp nău kan  tâm nđŭr.

Tât khâl  n’hanh  pă nklâm ndơ nhih nti Tiểu học Bắc Sơn (n’gor Vân Nam, Trung Quốc) Bộ trưởng Phan Văn Giang n’hanh Bộ trưởng Đổng Quân ŭch rŏng nhih nti geh tay âk nău kan gay trêng tay nău nđơr an ăp kon se nti an lĕ nău gĭt blău an neh dak  n’hanh jêng ăp nuĭh ntơh măt druh ndăm, nthoi nău tâm rnglăp, krêp dêh, tâm rnglăp way ơm đah bar dak Việt Nam - Trung Quốc. Tâm nar đŏng, bar bộ trưởng ndrel mpôl đại biểu gưl têh Bộ Quốc phòng bar dak hŏ tât khâl thôn Bát Điều Bán. Aơ lah thôn rhơn răm n’har bri têh uĕh mhe, gŭ ta mpeh Đông Bắc nkuâl Hà Khẩu, châu Hồng Hà, n’gor Vân Nam, Trung Quốc. Tâm ăp nklâm ndơ  geh nkô̆ khlay pă an thôn Bát Điều Bán, bar Bộ trưởng ŭch rŏng thôn mbra nar lơn ma hun hao đŏng, geh tay âk ăp nău kan tâm nđŭr đah Việt Nam, gay n’hao dăng nău tâm gĭt wât nsum, rgop ntrŭt ntrôl hun hao wăng sa nkual n’har bri./.