Ta buôn Akô Dhong, phường Buôn Ma Thuột, ƀon lan rgum sĭt ta jay văn hoá cộng đồng uănh nđôi rơh ntơm pơk Đại hội 14 bâh Đảng tâm nău nđơr, mĭn ueh. Yuh H Tít Alêo, nuĭh ƀon lan Ako Dhong nkoch. "Uănh djăt rơh Đại hội Đảng tal 14 gâp dŭt nđơr ngăn n’hanh n’hao nuih yor aơ lah ngoăy tâm âk njoat hăn têh khlăy bâh neh dak. Gâp ŭch Đảng geh nău kơl hun hao mpeh pâl nđaih gay ma mât n’hanh n’hao nău ueh êng mpôl rnoi ta rơh lăp kan ndrel”.

Ta ƀon Alê A, phường Ea Kao, nău rhơn nđơr lĕ geh trĕ lam ăp ngih jay jong, ta ăp trong ƀon lan. Tâm jay văn hoá ƀon, âk ƀon lan lĕ sĭt rgum, uănh djăt rơh rƀŭn nchră bôk năp bâh Đại hội. Wa Y Kanin nuĭh tâm ƀon Alê A nkoch. "Ƀon lan tâm ƀon hên ndrel rgum ta jay văn hoá cộng đồng gay ma uănh djăt ăp nău mbơh mpeh đại hội. Mpôl hên ŭch Đại hội mbra ndơ̆ mbơh âk nău ntrŭnh, nău kơl kan na nê̆, ntop an hun hao wăng sa- rêh jêng, mât uănh âk tay lơn tât nkual ƀon lan rnoi đê̆, mât rbay n’hanh n’hao nău dơi ueh êng ăp mpôl rnoi, ntrôl nău tăch rgâl, nău kơl kan ta ntŭk.

Ta mpeh luh nar, ta ăp ƀon dăch dak lêng, nău rhơn mpŏng sĭt đah Đại hội lĕ geh ƀư ntoh n’gôr. Âk ƀon lan joi ka mpơl nău knơm n’hanh ŭch ta ăp nău ntrŭnh khlăy geh nău mhe, njêng nău hun hao lĕ rngôch, nkre lah ŭch geh tay nău kơl kan gay ma mât đăp mpăn hăn joi ka ta dak lêng, ntop mât đăp mpăn ƀư tơm gôl dak dak lêng bâh neh dak. Wa Đặng Nhu, ƀon lan joi ka phường Phú Yên lah na nê̆.“Mpôl hên lah ƀon lan joi ka, ŭch Đại hôị Đảng geh nău kơl an hun hao n’gâng kan tui ka gay ma ƀon lan đăp mpăn joi ka ta dak lêng, nkre lah hun hao nău wăng sa, nkre lah mât đăp mpăn ƀư tơm gôl dak dak lêng”.