Ƀon lan Đăk  Lăk knơm n’gor mhe mbra n’hao nău dơi dak lêng- bri
Thứ sáu, 14:19, 11/07/2025 VOV Tây Nguyên/Nuĭh rblang:  Thị Đoắt VOV Tây Nguyên/Nuĭh rblang: Thị Đoắt
VOV.Mnông:Kêng măng lơ 10/7, mpôl Đại biểu Quốc hội n’gor Đăk Lăk ƀư rơh rƀŭn nchră tâm mâp ƀon lan lôch rơh rƀŭn nchră tal 9, Quốc hội khóa 15 ta ăp ntŭk mpeh luh nar n’gor Đăk Lăk (n’gor Phú yên ơm).

Rơh rƀŭn nchră ƀư đah trong kan sŏng dăng ta ntŭk tơm lah phường Tuy Hòa n’hanh tâm rgop trực tuyến đah ăp xã phường: Đông Hòa, Sông Cầu, Tuy An Bắc, Phú Hòa 1, Tây Hòa, Sơn Hòa, Sông Hinh n’hanh Đồng Xuân.Ta rơh rƀŭn nchră, đại biểu Quốc hội lĕ mbơh nău geh rơh rƀŭn nchră tal 9 mhe nơh. Rơh rƀŭn nchră lĕ geh mbơh âk nău kơl kan an hun hao wăng sa kan êng, rgâl mhe rnoh mbrô khoa học, công nghệ ntĭm nti, dak si, rnă njrăng rêh jêng, an lor kơl an ƀon lan rnoi đê̆, gôl yôk, n’har bri- tâm nĕ geh âk nkô̆ nău sŏng dăng geh tât Đăk Lăk. Ăp ƀon lan kơp dơn nău mĭn dơn kan bâh Quốc hội, nkre lah mpơl nău ŭch Đăk Lăk ơm geh trong hun hao mhe lôch nglăp nsum, n’hao nău ueh êng Tây Nguyên têh hvi, tâm rgop đah ăp nău geh êng ta duyên hải miền Trung, gay ma rdâk njêng n’gor ăp nar lơ ma têh ndrŏng, nău rêh ƀon lan ueh dơh lơn.

VOV Tây Nguyên/Nuĭh rblang: Thị Đoắt

Viết bình luận

TIN CÙNG CHUYÊN MỤC