VOV4.M'nông: Kêng măng 23/9, ta Jay Quốc hội hŏ ƀư nkah ndray 30 năm nar njêng Ủy ban Quốc phòng n'hanh An ninh bah Quốc hội n'hanh wơt dơn Huân chương Lao động Hạng Nhất. Râng nkah ndray geh Kruanh dak, Kruanh Hội đồng Quốc phòng n'hanh An ninh Nguyễn Xuân Phúc; Kruanh Quốc hội Vương Đình Huệ.

Tâm 30 năm aơ, Uỷ ban Quốc phòng n'hanh An ninh hŏ râng âk nkô̆ rgâl nkra, kơi ntop Hiến pháp năm 1992, rdâk njêng Hiến pháp năm 2013, lơn lah ăp chế định mpeh Mât njrăng neh dak; rdâk njêng mpôl tahen, Hội đồng Quốc phòng n'hanh an ninh; tĭng ƀư ăp nău kan tâm trong kan groi nđôi, ăp nău dăn đă bah Ủy ban rlău ăp nău kan groi nđôi geh rnoh khlay, săk dăng, nău dơi, kơl Chính phủ, ăp nhih pah kan dơi kan nkre mkra bah ăp nău rbăn lhơ, hôm khoah tâm trong kan pháp luật, rgop njêng nău rgâl uĕh tâm trong kan groi nđôi. Kruanh Quốc hội Vương Đình Huệ dăn đă, tâm let năp tay, Ủy ban Quốc phòng n'hanh An ninh lor nchroh nô nău, n'hao săk tam kan ôp ŭanh, groi nđôi, nsŏng kơl, dăn đă ăp nkô̆ nău mpeh njrăng n'gang neh dak, rnă njrăng lơn lah dăn đă ăp nău gĭt êng mhe, nău mĭn mhe mpeh mât njrăng neh dak./.

Nuĭh rblang: Điểu Thân