Tĭng nău nchrăp n’gor Dak Lak ta rơh năm 2021-2030, mpŏng uănh tât năm 2050, nkuăl têh Buôn Hồ lah nkuăl ƀon têh ueh nđik gâl nkual, ta nklang Tây Nguyên. Aơ lah ntŭk tơm mpeh nău tăch rgâl khlăy bâh ntŭk kan wăng sa tâm rgop đah nkual Tây Nguyên, nkual duyên hải Nam Trung bộ n’hanh nkual Đông bắc Campuchia.

Bâh nău nchrăp kan nsum, UBND nkuăl têh Buôn Hồ lĕ rdâk njêng nău nchrăp kan rgâl mhe nău nchrăp nsum ta nkuăl têh Buôn Hồ tât năm 2045 n’hanh lĕ geh UBND n’gor an dŏng. Nkô̆ mpŏng tât rdâk njêng n’hanh hun hao nkuăl ƀon têh Buôn Hồ jêng ngoăy tâm âk ntŭk kan chính trị, wăng sa, văn hóa, khoa học kĩ thuật n’hanh pâl nđaih ta nkual mpeh ba lơ bâh n’gor Dak Lăk. Nău nchrăp kan mô dơn lah ntŭk kan pháp lý khlăy an nău kan mât uănh nău nchrăp kan, ntuh kơl rdâk njêng nkuăl ƀon têh, ma hôm nha geh nău kan dŭt khlăy ta trong kan rdâk njêng n’hanh hun hao nkuăl têh, njêng nău mhe, nău ueh nkhêp an nkuăl têh Buôn Hồ ndâk nsơm n’hanh n’hao nău dơi, geh âk rnoh kơl an ntuh kơl hun hao.