Tĭng nău mbơh bâh Đại tá Nguyễn Minh Khánh, Groi Tư lệnh, kruanh n’gâng kan mbơh ôp nău nkual Cảnh sát dak lêng 3, aơ lah nău kan na nê̆ gay ma mpôl tahen 2 dak tâm nđur, kơt nti mpeh nău dơi njrăng rdâng đah ăp nău tât n’hanh pah kan tâm rdâng đah nău tât ta dak lêng, kơl an cán bộ, tahen 2 dak geh tay nău gĭt vât, nkre lah tiăr nti nău leo kan, mĭn kan, n’hao nău dơi leo kan tâm nău ƀư tĭng ăp ntrong kan geh pă jao.

Tĭng nău mbơh bâh Chuẩn tướng SUDHIR RAVINDRAN, kruanh mpôl kan mât kơh dak lêng Ấn Độ, aơ lah rơh nkhêp gay ma 2 ding tâm nđur, kơt nti, tâm kơl nău tă kan ngăn tâm nău ƀư tĭng pháp luật ta dak lêng. Bâh nĕ ntop n’hao nău tâm boh tâm rnglăp, tâm kơl, gĭt vât n’hanh tâm knơm ndrel đah mpôl kan Cảnh sát dak lêng Việt Nam n’hanh tahen mât kơh dak lêng Ấn Độ tâm let năp tay.