Tât năm 2030, Quảng Nam an geh nsrôih jêng n’gor hun hao geh âk ta lam dak, lah ntŭk hun hao khlăy bâh ta nkual miền Trung- Tây Nguyên.

Tĭng nău nchrăp geh an dong ƀư, nkô̆ mpŏng kan lĕ rngôch tât năm 2030, n’gor Quảng Nam nsrôih jêng n’gor hun hao têh bâh lam dak, lah nău hun hao khlăy bâh nkual miền Trung- Tây Nguyên, geh ndơ dŏng mpeh ntung trong an tâm ban tĭng nău ueh mhe. Tât năm 2030, n’gor Quảng Nam nsrôih hun hao ndơ ka lơ trôk, ndrâm dak lêng, nău kan logistics, pâl nđaih, công nghiệp cơ khí ô tô, nkra njêng, điện khí geh nău kan ta nkual, njêng ntŭk kan công nghiệp ƀư dak si, nkret njêng ndơ tuch tăm mât bri, silica geh nău kan têh ta lam dak, geh ntŭk ntĭm nti nău kan ueh mhe.