Ôi lơ 13/1, ta ntŭk kan Kruanh dak, Kruanh dak Lương Cường vơt Chánh Văn phòng Tổng thống Mông Cổ Gombojov Zandanshatar dôl geh rơh khâl ndrel pah kan ta Việt Nam. Kruanh dak lah rjăp, Đảng ndrel Ngih dak Việt Nam du ntrong uănh khlay ndrel ŭch lŏ n’hao tâm boh vay ơm đah Mông Cổ tâm ăp nau kan, tâm di ma nau geh dơi ndrel nau ŭch bah 2 ding, tŏng dơi nau geh ndrel nau ŭch bah ƀon lan ăp dak, rgop tâm nau mât đăp mpăn, tâm boh ndrel hun hao tâm nkuăl ndrel lam ntur neh.

Kruanh dak lah rlăp nau kan bah Việt Nam ŭch ƀư jru jăp tay nau tâm boh vay ơm, ăp nau hun hao mhe, ngăn ndrel ăp ntil đah bar dak. Bar ding ân ơm ntrŭnh ăp nkô̆ nau nchrăp tă ký ton di rnôk hăn khâl bah rđau kan gưl prêh bar dak kŏ kơt lah nkô̆ nau bar Chính phủ, ngăn lah tâm ăp nau kan văng sa, tăch rgâl, ntuh kơl, rnă njrăng, neh dak, ntĭm nti ndrel nau tâm boh đah ăp nkuăl. Ndrel nê, bar ding lŏ tâm kơl tâm nau tâm nchră lam ntur neh tâm di ma luật pháp lam ntur neh ndrel nau geh dơi bah ăp dak./.