Nghị quyết 57-NQ/TW geh n’gâng kan Chính trị ntrŭnh lơ 22/12/2024, lah na nê̆ hun hao khoa học, công nghệ, rgâl mhe rnoh mbrô n’hanh rgâl mhe mbrô dôl lah nău kan dŭt khlăy ngăn gay ma dak he hun hao têh dăng, têh kuăng ta rơh mhe rgâl săk hun hao bâh mpôl rnoi he nơm. Rnâng kan Ntĭm leo Trung ương mpeh hun hao khoa học, Công nghệ, rgâl mhe mĭn kan n’hanh rgâl mhe rnoh mbrô geh njêng, yor Tổng Bí thư Tô Lâm ƀư tơm  leo hăn ƀư tơm. Njêng Hội đồng mbơh nău kan ngih dak mpeh hun hao khoa học, công nghệ, rgâl mhe nău kan n’hanh rgâl mhe rnoh mbrô đah nău tât râng kan bâh ăp nuĭh way kan tâm n’hanh bah dih dak. Âk nuĭh way kan an lah Nghị quyết 57-NQ/TW lah trong kan mhe, hăn ang trong hun hao têh dăng let năp tay bâh mpôl rnoi Việt Nam. Nĕ kanŭng geh hăn lăp ta ăp công nghệ mhe, rgâl mhe rnoh mbrô têh dăng, Việt Nam mơ dơi geh hao ngăch, hao dăng n’hanh nâp nâl gay ma sâm geh têh ndrŏng tâm ban đah ăp dak ta play neh. Ta meng nĕ, nghị quyết ntrŭt đă an ngăch nănh, geh ăp nău rlong kan, tâm di gay ma geh âk nuĭh kan blău n’hanh ntrôl dăng nău rgâl mhe ngih dak. Nghị quyết mpơl nău dơi nău ŭch rŏng hun hao bâh mpôl rnoi.