Tât aƀaơ, bôk nău kan lĕ ƀư lôch, pă an rlău 44 rbăn ngih jay gay ma ăp rnăk vâl geh gŭ tâm jay mhe kloh răm, nkre lah dôl ƀư rlău 34 rbăn ngih mhe tay. Tât aƀaơ lam dak hôm nha geh klâp ma 240 rbăn ngih rông mpông sat an geh rgum rdâk ƀư, nkra mhe gay ma ƀư lôch bâh aƀaơ tât dŭt năm 2025. Ndơn kan an rnâng kan ntĭm leo, nsrôih mbơh ƀư an geh săk rnglăy ăp nău kan, trong kan lĕ ngluh mbơh, tâm rgop ta nău dơi bôk năp dŭt ueh bâh bôk nău kan. Thủ tướng Phạm Minh Chính lah na nê̆, nău ƀư lôch jut jăng ngih truh sat ngih rông mpông sat lah du nău kan chính trị dŭt khlăy lĕ geh mpơl na nê̆ tâm ăp nău Nglôch lôch, Nghị quyết, ntĭm đă bâh Trung ương Đảng, N’gâng kan Chính trị, Ban Bí thư, Quốc hội, Chính phủ, Thủ tướng Chính phủ, mpŏng tât kahgĭt ăp nar lễ têh tâm năm 2025 n’hanh tâm rlong njêng nău dơi rhơn Đại hội Đảng bộ ăp gâl, mpŏng tât Đại hội Đảng lam dak tal 14.