Nar 13/1, Tổng Bí thư Tô Lâm leo mpôl pah kan Trung ương sĭt pah kan đah kruanh rđău kan n’gor Bắc Ninh n’hanh mbah rhơn Tết ta n’gor. Lôch djăt siƀŭt mbơh, Tổng Bí thư Tô Lâm rnê âk ăp nău dơi ntoh lư bah n’gor Bắc Ninh hŏ dơi geh tâm lĕ rngôch ăp trong kan.

Ndrel đah nău nchŏng kloh ăp ntŭk dơh uĕh bah n’gor, Tổng Bí thư dăn đă, let năp tay Bắc Ninh rgum mât chăm tay pah kan rdâk njêng rmăn glêh tam Đảng, lam trong kan chính trị, rgâl mhe trong rđău đă, gay trong nchrăp nghị quyết bah Đảng lăp ngăn tâm nău rêh; Ta năp măt rđău đă geh nău dơi Đại hội Đảng bộ ăp gưl n’hanh Đại hội Đảng bộ n’gor tâl 21 năm kan 2025-2030; an ƀư tay nău dăp rgum nuĭh kan chính trị ta n’gor glêh tam, kan yach ngăch, geh nău dơi di nău ŭch bah Trung ương. Tổng Bí thư đă Bắc Ninh rgum mât chăm, n’hao nău rêh bah kônh wa ƀon lan ta ntŭk đŏng, uănh khlay mât ndray ntik n’hao ăp rnoh khlay văn hóa săk tơm bah n’gor. Nkhêp geh nchrăp wơt tết Nguyên đán way ơm Ất Tỵ 2025, Tổng Bí thư Tô Lâm hŏ khâl mbah rhơn Tết công nhân nuĭh kan n’hanh ntrŭnh đă ƀư “Đền thờ Wa Hồ n’hanh công viên Văn Miếu”, ta nkual ƀon têh Bắc Ninh.