Ôi 24/7, Thủ tướng Chính phủ Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 7/2024 gay tâm nchră, mĭn uănh an nău rgop đah trong nchrăp Luật Điện lực (rgâl nkra); Trong nchrăp Luật nău kan; Dăn đă rdâk njêng Luật nô nău jăch ndăn; Dăn đă rdâk njêng Luật Khoa học n’hanh Công nghệ (rgâl nkra) n’hanh Đề án trong nchrăp ntuh kơl trong loih nchuăt ngăch ta njăr trong Bắc -Nam.

 Thủ tướng lah rjăp, rlău ma nău ân uănh khlay mpeh rnoh âk, năn ngăch ƀư, ân êng uănh khlay tât săk tam rdâk njêng ăp siƀŭt quy phạm pháp luật; tâm nê, Thủ tướng êng njrăng uănh khlay tât tâm pă gưl, tâm pă nău dơi kan, hăn ndrel đah tâm pă tơm ndơ, n’hao nău dơi kan bah gưl tâm dâng, weh ƀư ăp ndơ dŏng groi nđôi, ôp uănh, njrăng n’gang sa khâm, tih djơh tâm nău rdâk njêng siƀŭt quy phạm pháp luật. Thủ tướng đă, ân dŭt uănh khlay n’hŭch dơh glêh siƀŭt, dŭt bah nău way ƀư “dăn- an”,  ƀư bah jêr jŏt an ăp nhih pah kan, nuĭh ƀon lan, doanh nghiệp, lơn lah prăk dŏng kan tĭng di rnôk ân ƀư ăp siƀŭt tĭng nuih n’hâm rgâl dơh glêh siƀŭt ma Chính phủ way ƀư rơh hop ăp quý.