Ôi 22/1, Bí thư Trung ương Đảng, Chủ nhiệm Ủy ban Kiểm tra Trung ương Trần Cẩm Tú hŏ tât ôp khâl, pă nklâm ndơ Tết ta n’gor Lào Cai. Chủ nhiệm Ủy ban Kiểm tra Trung ương Trần Cẩm Tú hŏ ndơ̆ kơl 50 nklâm ndơ an ăp rnăk dơi kơl, rnăk ach o bah nkual ƀon têh Lào Cai; 50 nklâm  ndơ an công nhân geh nău rêh jêr jŏt n’hanh nklâm ndơ an ăp mpôl tahen n’gor Lào Cai. Lah rnôk hăn khâl, wa Trần Cẩm Tú rnê âk  nău  tâm rnglăp, nău nsrôih bah Lào Cai tâm du năm 2023 âk jêr jŏt, ntul rlong.

Nkre dăn đă gưl ủy, n’gâng kan Mặt trận Tổ quốc, ăp mpôl kan chính trị - rêh jêng kon nuĭh ăp  gưl n’gor Lào Cai  ân rgum rđău đă tĭng ƀư jăp nău ntrŭnh bah Ban Bí thư mpeh nău  leo ƀư Tết Nguyên đán Giáp Thìn năm 2024; tĭng ƀư geh nău tam ăp trong nchrăp, trong kơl bah Đảng, Ngih dak mpeh pah kan đăp mpăn rêh jêng kon nuĭh, jut jăng ji ngot, n’hŭch ach o,  lơn lah bôk nău kan gưl neh dak mpeh rdâk njêng ƀon lan mhe , hŭch ach o jŏ jong, hun hao wăng sa- rêh jêng kon nuĭh nkual rnoi mpôl đê̆ n’hanh mpeh yôk yang./.