Kêng măng 12/1, Công an n’gor Lâm Đồng ƀư rƀŭn lôch “Nau kan ndăng Quang Trung”. Tâm lam n’gor geh 41 ngih geh ndâk mhe, tâm nê Công an n’gor ndơn ndâk 27 ngih ndrel tât lôch lơ 7/1/2026 hŏ jêh, jao ân 100% nŭih ƀon lan. Tâm nau ntrŭnh, cán bộ, tahen Công an n’gor hŏ rgop rlau 33.620 nar kan, êng rmôt Cảnh sát cơ động ndrel rmôt mât đăp mpăn nâp nâl tâm dâng rgop rlau 1.200 nar kan, âk cán bộ, tahen n’hao ntop mông kan, ƀư nau kan tâm măng, nar, kơl an nau rêh nau kan gay đăp mpăn ngăch.

Êp tơm prăk yor N’gâng kan công an kơl an, Công an n’gor hôm rgop rlau 622 rkeh prăk ndrel âk ndơ sa, ndơ dŏng. Ntoh nau tâm nar rƀŭn, Thiếu tướng Trương Minh Đương, Giám đốc Công an n’gor Lâm Đồng lah rjăp, nau kan hŏ geh nau dơi, lŏ rêng tay nuih n’hâm “rnôk ƀon kan ŭch, rnôk ƀon lan jêr-geh Công an”./.