Lơ 24/6, Quốc hội ntơm pơh pah kan n’glêh dŭt bah rơh rƀŭn tal 7. Ôi, Quốc hội nsơr ty mbơh an Luật Tổ chức Ngih phat dôih ƀon lan (nkra rgâl); jêh nĕ tâm nchră ta ngih rƀŭn mpeh Nău nchrăp ƀư Luật njrăng n’gang tăch rwăt nuĭh (nkra rgâl). Aơ lah Nău nchrăp ƀư luật wăch rgum nău uănh tât bah nău lư, rnôk năm bah năp, nuĭh tih tăch rwăt nuĭh geh jêr jŏt, geh trong hao, đah nău ƀư nar lơ mhe, ntoh nar lơ âk nău tih tăch rwăt nuĭh tâm dak ma nuĭh lah bu klô.

Âk năm dăch aơ, rĭng du năm dak he saơ nklăp 100 nău tăch rwăt nuĭh, đah ăp nău ƀư kơt “nău kan n’gơch, prăk khay âk”, ƀư an nuĭh rlet rlău n’har bri gay đă pah kan mô tâm di ta dak bah dih, ŭch sĭt dak nơm an trok prăk choai âk. Mô lah kơt rlăm tâm nău nsông đah nuĭh dak bah dih, an dơn kon mât geh nkô̆ nău dak bah dih, mô lah pâl nđaih, chop nuĭh bên.... gay tăch nuĭh hăn dak bah dih, nchâp đă pah kan, nchâp đah ƀư bu ur tăch săk, tăch leh play nuih.