Ta năp nĕ, kêng măng nđaơ (20/1), rơh tâm nchră ta rmôt bah ăp Mpôl đại biểu ƀư tâm mông nar rhăt jăp, lĕ đah nău kan, bôk rngok n’hanh sŏng dăng. Ăp nău rgop rgum rblang jru ăp nău têh n’gluh an đah nău hun hao neh dak tâm lvang mhe, bah lôch jêh trong ƀư, nkra rgâl n’gâng kan, n’hao dơi mât uănh ngih dak, tât ntrôl rgâl mrô, hun hao khoa học, rgâl mĭn ƀư mhe, rgop hao jêng nâp nâl hăn ndrel đah hao ngăch n’hanh tâm bah nău rêh jêng kon nuĭh. Rgop nău tâm văn kiện, âk đại biểu lah rjăp đă rgâl mhe tay nău mĭn ntĭm rđău, ƀĭt joet tĭng trong nâp nâl hun hao, sŏk kon nuĭh n’hanh doanh nghiệp ƀư ta nklang, nkre nsrôih mkra ăp ntŭk kol, ntŭk wăk kol nking n’gang nău rgâl mhe bah jâng wăng sa. Ăp nău rgop nkoch kloh nău nsrôih chính trị têh, lĕ đah nău kan bah năp Đảng, bah năp nuĭh ƀon lan, rgop jêh ăp văn kiện mbơh an Đại hội, tâm di nău đă hun hao neh dak tâm rach năm mhe.

Bôk nău Đaị hôị 14 bâh Đảng lah na nê̆: Ta nâm n’ha cờ ntoh ang bâh Đảng, nsum soan, du nuih n’hâm ƀư tĭng geh nău dơi ăp nkô̆ mpŏng kan hun hao bâh neh dak  tât năm 2030; leo kan trong kan tơm, hun hao, knơm, mpŏng let năp ta rơh rgâl săk hun hao bâh mpôl rnoi...”. Aơ lah rơh bôk năp bôk nău kan Đại hội lah na nê̆ nău ŭch rŏng ƀư tơm ta trong kan n’hanh nău dơi mpôl rnoi, mbơh nău hun hao lăp kan nsum têh kuăng yơn hôm nha geh mât nău ueh êng n’hanh kan êng đăp mpăn. Ta meng nĕ, ntrong pah kan “ Tâm rnglăp- ƀư tơm-nău way-n’hao mhe-hun hao” lĕ ntop nău kan N’hao mhe. Nău aơ mpơl nău nsrôih mô dơn geh mât đăp mpăn ma hôm nha an geh ăp njoat hun hao rgâl mhe . Tĭng nău mbơh bâh Thạc sĩ Hà Trung Thành- Giảng viên chính Khoa xây dựng Đảng, Học viện Cán bộ nkuăl ƀon têh Hồ Chí Minh an lah, nău mbơh tơih chính trị bâh BCH Trung ương mô dơn mpơl na nê̆ nău mpŏng kan têh khlăy tât năm 2030 ma hôm nha geh nău khlăy, lah nău ntrŭnh đă kan. “Nău ntoh ngơi lĕ mpơl na nê̆ nău ŭch rgâl mhe, nĕ lah nău mbơh lah na nê̆ nău ŭch rgâl mhe têh dăng, ngăn ngên, ngơi ngăn, ƀư ngăn, nău geh ngăn mô dơn mpeh nău wăng sa ma lĕ trong kan chính trị, rêh jêng n’hanh văn hoá. Mpơl nău ŭch rong mpôl rnoi. N’hao nău mĭn hun hao ƀư êng trong kan tơm, nău kan tơm nău knơm ta trong kan ma Đảng n’hanh ƀon lan lĕ geh săch”.