Ôi 19/7, ta nkual ƀon têh Kon Tum hŏ ƀư Đại hội tâm rlong nsrôih geh nău dơi ăp mpôl tahen n’gor Kon Tum. Siƀŭt mbơh ta Đại hội an saơ, 5 năm aơ, trong leo tâm rlong nsrôih geh nău dơi hŏ n’hao  nău dơi  tam, nău khlay kan n’gâng tơm bah mpôl tahen n’gor Kon Tum tâm trong tĭng ƀư nău kan tahen, njrăng n’gang neh dak, rdâk njêng nkual nsan njrăng nâp.

Cán bộ, tahen n’gor hŏ kơl nuĭh ƀon lan rlău 19.000 tơ̆ nar luh, rdâk njêng 90 mblâm jay tâm rŏng,jay tâm rnglăp, jay ndrăng băl tahen đah lĕ rngôch rnoh prăk rlău 6 rmen prăk…Ta đại hội, nău nchrăp lor dăn đă bah 7 mpôl, ăp nuĭh ntoh lư n’hanh ăp nău lah rđău  đă tâng jru bah Tỉnh uỷ Kon Tum, bah Bộ Tư lệnh Quân khu 5 hŏ ƀư kloh nuih n’hâm tâm rnglăp, blău njêng mhe, nsrôih ƀư lôch jêh uĕh nău dơn kan bah cán bộ, tahen n’gor. Đại hội mpư rnê 33 mpôl,  57 nuĭh ntoh lư.