Đại hôị geh bôk nău “Ta nâm n’ha cờ ntoh ang bâh Đảng, nsum soan, du nuih n’hâm ƀư tĭng geh nău dơi ăp nkô̆ mpŏng hun hao neh dak tât năm 2030, nău mĭn nău knơm ŭch tât ta rơh rgâl săk hun hao bâh mpôl rnoi, yor nău đăp mpăn, ƀư tơm, têh ndrŏng, ueh mhe, gĭt blău, hơm răm, joat nâp tĭng trong chủ nghiã xã hôị”, đah nău tât râng bâh 1.586 đại biêủ, ndơn kan an rlău 5,6 rkeh đảng viên ta lam dak.

Ta Đại hội, ăp đại biêủ mbra geh tâm nchră, mbơh tơih bâh âk văn kiện khlăy, geh nău mbơh tơih chính trị bâh BCH Trung ương khoá 13, ăp nău mbơh tơih mpeh nglôch lôch pah kan chính trị bâh Ban chấp hành Trung ương khoá 13, ăp nău mbơh tơih nglôch lôch mpeh nău lý luận, nău ngăn bâh rơh rgâl mhe, nău ƀư tĭng Điêù lệ Đảng n’hanh uănh năl nău mĭn leo kan, ntĭm đă bâh Trung ương khoá 13.

Đại hội 14 lah nău ntơm knơm, nău ŭch hun hao, lah na nê̆ nău dơi kan, nău mĭn gĭt blău n’hanh nău mĭn bâh lĕ Đảng, lĕ ƀon lan, lĕ tahen, njêng nău tơm khlăy gay ma neh dak nâp joat tĭng trong ta rơh hun hao mhe.