Nar aơ (22/1) Đại hội Đại biểu lam dak bah Đảng lăp tâm nar pah kan tâl puăn. Bah năp nê, tâm nar ntri (21/1), Đại hội pah kan tay lĕ ma nar ta Hội trường gay tâm nchră mpeh ăp siƀŭt Đại hội. Bah ôi, hŏ geh 15 nuĭh ntơh măt mpeh ăp mpôl nuĭh ntơh măt, nhih pah kan rgop nău. Tâm kêng măng, geh 15 nuĭh ntơh măt mpeh ăp mpôl nuĭh ntơh măt, nhih pah kan rgop nău. Ăp nău nsŏng kơl rgum tâm ăp nkô̆ tơm khlay bah Siƀŭt nchrăp lor n’hanh ăp nkô̆ nău khlay dơi nuĭh ƀon lan, cán bộ, đảng viên uănh khlay. Mông nar tâm nchră khuh n’gôr, sŏng dăng, geh nău tâm ban.

Mpôl kruanh Đại hội nchih nkah, rnê âk ăp nkô̆ nsŏng kơl n’hanh ăp nău rgop lĕ nuih n’hâm, rgum nău gĭt blău bah ăp nuĭh ntơh măt; nkre, rđău đă Tiểu ban Văn kiện ra uănh tay, djăt ăp nău rgop di gay tŏng jêh siƀŭt nchrăp lor hao rblang dăn Đại hội n’glêh an. Đah ăp nău dăn đă na nê̆, mha êng, Mpôl Kruanh rgum nchih, djăt, njuăl Ban Chấp hành Trung ương Đảng khóa XIV mĭn uănh, ƀư jêng ngăn ngăn tâm ăp Nghị quyết way nkô̆, Bôk nău kan tĭng ƀư Nghị quyết n’hanh wat jêh nkô̆ Nghị quyết Đại hội XIV bah Đảng. Mpôl Kruanh lôch dăn nău rgop ăp mpôl nuĭh ntơh măt hŏ mbơh Đại hội mpeh rgâl bôk nău pah kan bah Đại hội 14 bah Đảng. Đại hội hŏ n’glêh an tâm ban ŭch rhuăt glêh nar pah kan hôm 1 nar n’gul rđĭl đah nău nchrăp bôk năp.