Kêng măng 17/7, Groi Tổng Giám đốc Radio Nău ngơi Việt Nam Ngô Minh Hiển wơt mpôl Đại biểu Cục Phát thanh-Truyền hình Khu tự trị rnoi Choang Quảng Tây (Trung Quốc). Rơh khâl geh tâm trôm bôk nău kan Tâm nđŭr nghệ thuật “Tiếng hát hữu nghị Việt-Trung”.

Wa Ngô Minh Hiển lah rjăp: Radio nău ngơi Việt Nam uănh khlay tâm boh kan ndrel đah Trung Quốc, tă bah âk bôk nău ntuh ngơi-ntuh rup kơl ƀon lan 2 dak wât lơn mpeh nău tâm boh krêp dêh. Lơn lah, bôk nău tâm nđŭr ƀư lơ 18/7 gay mbah rhơn 75 năm ndâk njêng tâm boh tâm rnglăp nchră nău Việt-Trung n’hanh “Năm tâm nđŭr nău kơl nuĭh 2025”. Wa Hoàng Trí Hằng-Groi Cục trưởng Cục Phát thanh Truyền hình Quảng Tây mĭn lah: Radio nău ngơi Việt Nam lah kan ndrel khlay đah âk săk rnglăy năm bah năp. Bôk nău ƀư tâm nđŭr rơh aơ lôch uĕh, rêng hvi tay tâm rnglăp 2 dak.