Kêng măng 14/1, Bộ Chỉ huy Quân sự n’gor Dak Lak ƀư tâm nchră mbơh ăp nău n’glêh an bah Bộ Quốc phòng n’hanh Bộ Tổng Tham mưu mpeh nău dăp rgum tay Ban Chỉ huy Quân sự gưl xã, tŏng an nău ŭch geh dơn kan tâm nô nău mhe. Ta tâm nchră, Quân khu 5 hŏ mbơh n’hanh ndơ̆ n’glêh an ntăm n’hao geh năm ton đah 102 sĩ quan sĭt ƀư Chỉ huy trưởng Ban Chỉ huy Quân sự ăp xã, phường ta n’gor Dak Lak.

Lah ta rnôk rđău đă, Bí thư Tỉnh ủy Dak Lak Lương Nguyễn Minh Triết lah rjăp, nău nsĭt sĩ quan quân đội râng Ban Chỉ huy Quân sự gưl xã lah njuat hăn jêng ngăn ngăn trong nchrăp têh bah Đảng, geh nkô̆ hôr khlay tâm rdâk njêng mpôl tahen tâm dâng nâp dăng; Đă ăp sĩ quan dơi ntăm n’hao ngăch tât dơn nău kan, lor rƀah gĭt ntŭk mât kan, tâm boh nsum lhăt đah gưl ủy, n’gâng kan tâm dâng, rdâk njêng Ban Chỉ huy Quân sự gưl xã nâp dăng lam lĕ rngôch.