Tâm ăp nar dja, lĕ rngôch ăp ƀon lan ta n'gor Dak Lak mprang uĕh cờ kao gay ƀư ăp nău kan mbah rhơn Nar tâm rnglăp lam rnoi nuĭh (18/11). Tĭng wa Y Linh Niê, groi Kruanh Mặt trận Tổ quốc Việt Nam xã Cư Prao, buôn Pa, buôn Năng n'hanh buôn Hoang geh 346 rnăk đah 1.440 nuĭh, tâm nê rnoi Rđe âk rlău 90%.

Ăp năm, tâm nar Tâm rnglăp lam rnoi nuĭh, n'gâng kan xã ƀư nău kan mbah rhơn ta tĭng buôn, yơn lah, năm aơ Ủy ban xã hŏ n'glêh an ƀư tâm rgop ƀon lan gŭ gay rdâk tay nuih n'hâm tâm rnglăp ăp rnoi nuĭh ta ntŭk. Râng nar Tâm rnglăp lam rnoi nuĭh ta ntŭk rgop nkual ƀon lan gŭ bah xã Cư prao, nkuâl M’drak, wa Y Biêr Niê, Groi Bí thư tỉnh ủy Dak Lak an gĭt nău kan dja hŏ jêng nar rgum têh bah ƀon  lan đah âk nău kan uĕh mpưm, nsĭt tay săk tơm văn hóa way ơm bah rnăk wâl  têh ăp rnoi nuĭh Việt Nam rgop n'hao dăng rdâk  njêng tâm rnglăp lam rnoi nuĭh.

VOV Tây Nguyên/Nuĭh rblang: Điểu Thân