Nkhêp di wa Donald Trump na nê̆ dơn kan Tổng thống tal 47 bah Hợp chúng quốc Hoa Kỳ, lơ 21/1 (tĭng mông Việt Nam), Tổng Bí thư Tô Lâm, Kruanh dak Lương Cường n’hanh Thủ tướng Chính phủ Phạm Minh Chính lĕ njuăl sam ƀŭt mbah rhơn. Tổng Bí thư Tô Lâm, Kruanh dak Lương Cường n’hanh Thủ tướng Chính phủ Phạm Minh Chính mĭn lah Việt Nam uănh Hoa Kỳ lah dak kan ndrel têh khlay.

Tĭng ăp nău rgâl hao tâm boh kan ndrel đah 2 dak năm bah năp, Tổng Bí thư Tô Lâm, Kruanh dak Lương Cường n’hanh Thủ tướng Chính phủ Phạm Minh Chính nsing nơm đah nău rđău n’hanh kơl bah wa Donald Trump, tâm boh Việt Nam-Hoa Kỳ mbra hun hao nâp nâl tĭng nkô̆ nău tâm ryơk đăp mpăn, ƀư tơm n’hanh nâp nâl chính trị ndrel, yor đăp mpăn, kan ndrel n’hanh hun hao nâp nâl ta nkual n’hanh lam ntŭr neh, ngăn lah di 2 dak nkah gĭt 30 năm nar ndâk njêng tâm boh tâm rnglăp (1995-2025) n’hah 2 năm tâm boh kan kan ndrel têh hvi lĕ rngôch Việt Nam-Hoa Kỳ. Ndrel nar, Groi Kruanh dak Võ Thị Ánh Xuân lĕ njuăl sam ƀŭt mbah rhơn tât Groi Kruanh Tổng thống James David Vance