Tâm rnôk hăn khâl Cọng hoà Czech, ta Thủ đô Praha, Thủ tướng Phạm Minh Chính hŏ tât khâl, bonh đă nsum mpôl nŭih Việt Nam tâm ntŭk kan tăch rgâl Sapa. Tât khâl, bonh đă ƀon lan Việt Nam ta Ntŭk kan tăch rgâl Sapa Thủ tướng Phạm Minh Chính tât khâl ntŭk nti nau ngơi Việt Praha. Ăp nau nti tâm nuih n’hâm gơih êng, mô geh prăk khay ma knŭng geh prăk kơl an tĭng mông. Tâm 22 năm rlau aơ, ntŭk aơ hŏ ntĭm nau ngơi Việt ân âk rbăn kon se deh ndrel têh tâm neh Czech blau răk, blau nchih, blau ngơi nau Việt.

Thủ tướng Phạm Minh Chính lah rjăp, nau ngơi Việt lah ntung njŏ đah ăp rơh hăn lor ndrel ba kơi, kơl an kon se Việt Nam tâm dak bah dih gĭt lơn mpeh nau ơm, nau vay bah neh dak, nau rŏng neh dak, nau ŭch bah rnoi nơm. Đă ntŭk kan lŏ ƀư âk ntil nau kan, nau ntĭm ndrel nti, njêng tay nau ŭch ngăn bah ăp kon se hăn nti./.