Tâm rnôk ntrŭnh nau ƀư rtŭk geh tĭng nau ntrŭnh bah Trung ương, 6 Groi Giám đốc ăp ntŭk kan tâm n’gor Dak Nông hŏ ƀư săm ƀŭt đăng ký rlu ranhh lor năm. Nau tă bah Sở Nội vụ n’gor Dak Nông, rmôt kan aơ hŏ njoăl nau mbơh tât UBND n’gor Dak Nông mpeh 6 nŭih Groi giám đốc ăp n’gâng kan đăng ký dăn rlu ranh bah năp năm tĭng Nau ntrŭnh 178/2024/NĐ-CP bah Chính phủ, geh wa Lê Quy, Groi Giám đốc Sở Nội vụ, wa Trần Ngọc Lâm, Groi Giám đốc sở Xây dựng, wa Lê  Ngọc Luỹ, Groi Giám đốc Sở Kế hoạch ndrel đầu tư, wa Nguyễn Văn Phò, Groi Giám đốc Sở Tài chính, wa Phạm Văn Mạnh, Groi Giám đốc N’gâng kan gung trong-nchuăn rdeng, wa Lưu Văn Đặng, Groi Giám đốc N’gâng kan Khoa học ndrel Công nghệ.

Tĭng Sở Nội vụ Dak Nông, n’gor hŏ geh nau ntrŭnh lôch nau kan 10 ntŭk kan đảng, ntŭk kan gưl n’gor; rnglăp 10 jêng 5. Lĕ 6 Groi Giám đốc đăng ký rlu ranh bah năp năm aơ kŏ tâm ăp ntŭk kan ma n’gor Dak Nông mra ƀư rtŭt gleh êp tât./.