Kêng măng 20/1, ta ntŭk kan Trung ương Đảng, Tổng Bí thư Tô Lâm, Kruanh Rnâng kan rđau kan Trung ương mpeh hun hao khoa học công nghệ, rgâl blau mhe ndrel ntrơn rgâl mrô ƀư tơm rơh rƀŭn bôk năp bah Rnâng kan rđau kan gay ntrŭnh nau kan tâm năm tât. Tâm nar rƀŭn, Tổng Bí thư đă, ăp nŭih kan tâm Rnâng kan rđau kan tâm rnôk ntrŭnh ân ƀư der nau mô jăp, nchrăp tâm rgop rjăp đah ăp ntŭk kan geh tât gay đăp mpăn nau kan ân tâm ban ndrel ngăch, der nau tâm rkăng, nkol, nuih n’hâm lah lam ntrong kan rđau kan ân mô geh rgâl nau kan bah ăp n’gâng kan.

Rgop nau mpeh bôk nau pah kan năm 2025, Tổng Bí thư tâm ban 10 nau kan tơ ndrel 18 nau kan n’hêl bah Rnâng kan rđau kan, đă lŏ ntop nau kan ntoh luh tâm nau ngăn, đă tâm 3 khay bôk năm 2025 ăp N’gâng kan, ntŭk kan ân ndâk Bôk nau kan nau ntrŭnh mrô 57 bah Bộ chính trị mpeh nau rgâl hun hao khoa học công nghệ, rgâl blau mhe ntrơn rgâl mrô neh dak đăp mpăn nau geh dơi bah ntŭk kan ndrel ƀon lan./.