Ôi ơm lơ 21/1 tĭng mông Việt Nam bôk ndeh rdeng Thủ tướng Chính phủ Phạm Minh Chính ndrel i ur ndrel rmôt kan ntoh măt gưl prêh Việt Nam tât Zurich ntơm hăn râng rơh rƀŭn WEF (tâm nchră văng sa lam ntur neh) ndrel ntơm pah kan ta Thuỵ sĩ. Rơh rƀŭn tâm nchră văng sa lam ntur neh rnôk aơ lah du nau kan khlay gay ăp rđau kan chính trị ndrel văng sa lam ntur neh dnrel ntoh măt ăp ntŭk kan rêh jêng rƀŭn nchră mpeh ăp nau tât bah nau rêh mhe.

Tĭng nê, tâm rơh rƀŭn, ăp ntoh măt rgum nchrăp tâm ăp nau tât bah trí tuệ nhân tạo đah nau hun hao văng sa, nau hun hao bah nau mhe, ndâk tu tơm nŭih kan ndrel n’hao nau dăng bah nŭih pah kan tâm pah kan bah ăp ngih máy ndrel ntŭk kan tăch rgâl, kŏ kơt lah ndâk nau rnơm tâm ƀon lan lam ntur neh. Tâm rnôk hăn kan aơ, Thủ tướng Chính phủ Phạm Minh Chính mra geh rnôk tâm nchră 2 ding đah Tổng thống Thuỵ sĩ gay nchră nau n’hao tâm boh 2 ding ndrel n’hao tâm boh kan nsum đah 2 dak, nkre mâp ăp nŭih kan, rđau kan bah ăp dak, ntŭk kan bah lam ntur neh, ntŭk ƀư tăch rgâl, ntuh kơl têh lam ntur neh./.