Nkhêp geh Tết Nguyên đán Ất Tỵ 2025, kêng măng ntri (20/1), Kruanh dak Lương Cường, Nuĭh mât bôk mpôl tahen ƀon lan, Kruanh Hội đồng Quốc phòng n’hanh An ninh ndrel mpôl pah kan Trung ương tât khâl, mbah rhơn Tết bộ đội Đặc công.

Lah ta rơh mâp măt, Kruanh dak lah kloh, năm 2025, lah năm geh nkô̆ khlay mha êng đah neh dak he, năm geh âk nar kan chính trị têh bah Đảng, bah neh dak; năm “Nchuăt ngăch, đăt ndal, tât ntŭk”, nsrôih geh n’hanh rlău ăp rnoh ŭch tât ma Đại hội tâl XIII bah Đảng hŏ ntrŏng, n’hao neh dak nsing nơm lăp tâm rơh hun hao mhe, rơh hun hao ndrŏng dăng. Kruanh dak đă Binh chủng Đặc công way rgâl mhe, n’hao săk blău tiăr nti, lor bôk năp lah n’hao săk blău tiăr nti mpeh trong miăt, võ thuật, kỹ thuật Đặc công. Nkre gŭ mĭn tay, nđơn tay, hun hao nău blău miăt lơh Đặc công tâm di đah biên chế mpôl tahen, phao bleo têh dăng mhe, ndơ năp dŏng dôl geh aƀaơ n’hanh trong rƀŏng hun hao tâm ăp năm tât, grêt dăch đah nău ŭch geh, nău dơn kan, nuĭh leng n’hanh ntŭk hăn lơh.