Lơ 19/1, Thượng tướng Trần Quang Phương, Groi Kruanh Quốc hội lĕ khâl, an ndơ Tết an nuĭh pah kan n’hanh cán bộ, tahen, nuĭh ƀon lan nkuăl n’har bri Ea Súp, n’gor Dak Lak. Ndơn măt kruanh Đảng, Ngih dak, Groi Kruanh Quốc hội Trần Quang Phương đêp rmen chop khâl, ntrŭt nsôr cán bộ công đoàn, đoàn viên, nuĭh pah kan, lơn lah ăp đoàn viên nuĭh pah kan geh nău rêh jêr jŏt, geh rmanh pah kan, kop ji jêr bah, nuĭh mô lap tâm nău rêh.

Groi kruanh Quốc hội ndrel mpôl pah kan lĕ an 300 nklâm ndơ Tết tât đoàn viên, nuĭh pah kan geh nău rêh jêr jŏt. Groi Kruanh Quốc hội đă gưl ủy, n’gâng kan ƀon lan ăp gưl rgum hun hao wăng sa, nâp nâl mât njrăng bri dak, rnă njrăng hăn ndrel đah n’hao nău rêh drăp ndơ, nuih n’hâm nuĭh ƀon lan ăp rnoi nuĭh ta lam n’gor, ƀư tĭng uĕh lơn tay nău kơl rêh jêng kon nuĭh, n’hŭch ach o nâp nâl. Ndrel nar, Mpôl pah kan tât khâl, an ndơ cán bộ, tahen Pôih tahen n’har bri Ia Rvê, Mpôl wăng sa mât njrăng bri dak 737, cán bộ, bu ranh ƀon n’hanh rnăk wâl dơi kơl, kon hŏk geh nău rêh jêr jŏt ta lam nkuăl n’har bri Ea Súp.