Thủ tướng mbơh tât ƀon lan mpeh nău tâm dak, năm 2024, Việt Nam lĕ dơi geh âk nău dơi khlăy ta lĕ rngôch ăp trong kan, ƀư lôch 15/15 nău mpŏng hun hao wăng sa- rêh jêng, tâm nĕ geh 12 nău mpŏng rlău đah nău ngluh mbơh. Hun hao GDP năm 2024 geh 7,09%, nău kan GDP geh 476 rmen đôlar, ta rmôt 35 n’gâng kan wăng sa dŭt têh ta lam ntur neh. Việt Nam an geh mât đăp mpăn tay nău wăng sa têh, mât njrăng bah lạm phát, ăp nău kan têh geh mât đăp mpăn. Di rơh aơ, Thủ tướng rhơn geh mbơh đah âk nuĭh Việt Nam gŭt ta Séc nău Ủy ban Trung ương Mặt trận tổ quốc Việt Nam lĕ ntrŭnh săch Praha lah ntŭk leo ƀư nar Tâm rnglăp lĕ mpôl rnoi ta dak bah dih rơh bôk năp, mpơl nău kơp dơn n’hanh uănh năl khlăy đah ăp nău dơi geh n’hanh tâm rgop bâh âk nuĭh Việt ta Séc. Thủ tướng ŭch ƀon lan an geh ƀư tĭng ueh jăp luật pháp ta ntŭk, way geh tâm rnglăp, tâm kơl ndrel, n’hao nău way tâm pêt tâm kơl, tâm rŏng mpôl rnoi, tâm rŏng ƀon lan,. ngăn lah tâm rnôk geh nău tât nău jêr.