Lơ 17/1, Groi Kruanh Quốc hội, Thượng tướng Trần Quang Phương ndrel rmôt kan bah Trung ương tât khâl, rhơn tết cán bộ, tahen ndrel ƀon lan tâm nkuăl n’har bri Tuy Đức, n’gor Dak Nông. Tâm mông ôi, rmôt kan hŏ tât, rhơn Tết ndrel pă nklâm ndơ ân cán bộ, tahen Đồn Biên phòng Tuy Đức (N’gâng kan rđau tahen Biên phòng n’gor); Đại đội Bộ binh 3 (Rnâng kan rđau tahen nkuăl Tuy Đức). Rnôk aơ, rmôt hăn kan bah Trung ương hŏ pă 50 nklâm ndơ tât ăp rnăk geh nau rêh jêr jŏt ndrel 20 nklâm ndơ tât kon rong bah tahen Biên phòng. Kêng măng ndrel nar, Groi Kruanh Quốc hội Trần Quang Phương ndrel rmôt hăn kan bah Trung ương hŏ tât khâl, rhơn tết cán bộ, tahen ndrel ƀon lan tâm xã nkuăl 3 Dak Ngo, nkuăl Tuy Đức, n’gor Dak Nông.

Groi Kruanh Quốc hội rnê prêh nau n’gâng kan hŏ nsôih ƀư ueh nau mât chăm tết ân ƀon lan. Ôp khâl, rhơn tết bu ranh ƀon, nŭih bu rnơm lah rnoi mpôl đê̆, Groi Kruanh Quốc hội kŏ lah rjăp nau dơi bah bu ranh ƀon, nŭih bu rnơm. Aơ lah rmôt kan tơm rgop nau leo nau ntrŭnh, ntrong kan ndrel pháp luật bah Đảng, Ngih dak tât ƀon lan, nkre râng tâm nau ndâk tâm rnglăp lam ƀon lan./.