Dĭng nar lơ 17/1 (tĭng mông dak nê) tâm ntŭk kan Quốc hội Ba Lan, Thủ tướng Chính phủ Phạm Minh Chính hŏ geh nar tâm mâp ma Kruanh Hạ viện Ba Lan Szymon Holownia. Tâm nar tâm nchră, Kruanh Hạ viện Szuymon Holowna rnê prêh rơh hăn khâl bah Thủ tướng Chính phủ Phạm Minh Chính, uănh aơ lah nau nkah khlay tâm nau tâm boh Việt Nam-Ba Lan tâm rnôk bar dak nkah 75 năm nar ndâk tâm boh nchră nau (1950-2025). Thủ tướng Chính phủ Phạm Minh Chính lah ueh nau vơt đêp rmen ma Kruanh Hạ viện Szymon Holownia ndrel hạ nghị sĩ dŏng ân rmôt kan ntoh măt gưl prêh Việt Nam; lah rjăp nkô̆ nau bah rơh hăn khâl gay ntrŭt dăng rjăp nau tâm boh vay ơm ndrel tâm boh âk ding đah 2 dak tâm ăp nau kan, nkre lah ƀư rjăp tay nau tâm boh đah bar rnoi mpôl Việt Nam-Ba Lan. Lah rjăp nau khlay bah n’gâng tơm tâm boh tăch rgâl-ntuh kơl tâm nau tâm boh 2 dak, Thủ tướng Chính phủ Phạm Minh Chính ndrel Kruanh hạ viện Szymon Holownia tâm ban nau ntrŭt dăng tâm boh tâm ăp nau kan n’gâng tơm aơ tâm ban ma nau tâm boh chính trị ndrel nau ơm ueh lăng đah bar dak ndrel tâm ban nau nsôih n’hao nau geh tăch rgâl bar ding hao 5 rmen đôla.

    Ndrel nar, Thủ tướng Phạm Minh Chính hŏ vơt ăp rđau kan ntŭk kan tăch rgâl bôk năp bah Ba Lan, geh rmôt kan Adamed ndrel ntŭk kan tach ndeh mpar LOT Airlines, ntrŭt dăng tâm boh văng sa ndrel ntuh kơl đah bar dak.

Bah năp nê, ôi 17/1, (tĭng mông ta ntŭk) Thủ tướng Phạm Minh Chính tât khâl n’hanh geh nău lah trong kan khlay ta Đại học Tổng hợp Warsaw, Ba Lan. Nău lah đah nkô̆: “N’hao tâm boh Việt Nam – Ba Lan rƀŏng tât hao prêh mhe, yor ma đăp mpăn n’hanh hun hao bah bar nkual Đông Nam Á n’hanh Trung Đông Âu”. Nhih nti Đại học Tổng hợp Vác-xa-va lah nău ntĭt an tâm boh lhăt đah Việt Nam n’hanh Ba Lan tâm trong kan ntĭm nti. Hang rhiăng sinh viên n’hanh cán bộ Việt Nam hŏ n’hanh dôl nti ta nhih nti. Âk nuĭh aƀaơ hŏ jêng ăp giáo sư, nuĭh khoa học dâk bôk năp tâm ăp trong kan. Nkoch mpeh trong uănh têh jong tâm boh Việt Nam – Ba Lan Thủ tướng lah rjăp, Việt Nam dŭt uănh khlay n’hanh ŭch rŏng ntrŭt ntrôl tâm boh, ƀư jru hvi lơn đŏng tâm boh lam lĕ rngôch đah ăp dak Trung Đông Âu, lơn lah đah ăp dak băl mpôl way ơm kơt Ba Lan. Thủ tướng nkoch mpeh 6 đăt ndal n’hao tâm boh Việt Nam - Ba Lan hao têh mhe.