Nkhêp geh Tết Nguyên đán Ất Tỵ 2025 n’hanh rƀŏng tât nkah ndray 95 năm Nar njêng Đảng CSVN, kêng măng 17/1, ta Hà Nội, Tổng Bí thư Tô Lâm hŏ tât mpoh nhang nkah gĭt ăp kruanh rđău kan ơm Tổng Bí thư Lê Duẩn, Đỗ Mười, Lê Khả Phiêu ta jay êng.

 Tổng Bí thư Tô Lâm hŏ mpoh nhang ƀô kah, n’guh mbah nkah gĭt ăp n’hâm suan rgop têh kuâng bah ăp Tổng Bí thư: Lê Duẩn, Đỗ Mười, Lê Khả Phiêu tâm n’gâng kan cách mạng bah Đảng, bah rnoi nuĭh; mpơl nuih n’hâm nkah gĭt jru ăp rơh kơn bah năp hŏ geh âk n’hâm suan n’groh an ma đăp mpăn neh dak, yor rhơn mƀak bah ƀon lan. Nkhêp geh năm mhe, Tổng Bí thư Tô Lâm dăn an ăp Tổng Bí thư: Lê Duẩn, Đỗ Mười, Lê Khả Phiêu way ngăch dăng n’hâm suan, rhơn mƀak, geh nău dơi, kơt nti, pah kan uĕh lăng, n’groh an neh dak, an ƀon lan dŭt âk.