Măng 19/1, ta Ntŭk Rƀŭn nchră Ngih dak, Hà Nội, Kruanh dak Lương Cường n’hanh I ur lĕ râng Bôk nău ƀư njroh mprơ Năm mhe ƀon tơm 2025 đah bôk nău “Việt Nam-Hao êng tâm rach năm mhe”. Ndơn măt kruanh Đảng, Ngih dak, Kruanh dak Lương Cường njuăl tât lĕ rngôch nuĭh gŭ dak bah dih nău uĕh răm m’ak, nău ôp khâl đêp rmên n’hanh ăp nău mbah rhơn năm mhe uĕh lăng ngăn. Kruanh dak an gĭt, Đảng, Ngih dak n’hanh ƀon lan gŭ ta dak bah dih uănh tât mro, uănh nđôi nu nău kônh wa he gŭ dak bah dih n’hanh dŭt n’hâm rhơn, ntô̆ n’hao rnôk saơ năm bah năp, bôl rdâng đah âk jêr jŏt, ntŭl rlong yơn ƀon lan he hôm e nâp nâl hao ndâk njêng nău rêh uĕh lăng lơn.

Kruanh dak an gĭt, Việt Nam dôl nchrăp nâp nâl gay neh dak nsing nơm lăp rach năm mhe n’hanh đah lịch sử têh dăng bah hang rbăn năm ndâk njêng neh dak n’hanh mât neh dak, Việt Nam dŏng dŭt n’hâm nău geh tât, nău lap lịch sử aơ. Kruanh dak mpŏng nuĭh ƀon lan Việt Nam, bôl gŭ tâm dak mô lah bah dih dak, ndrel rgop soan têh bah rnoi nuĭh. Kruanh dak mĭn lah, Đảng Ngih dak he uănh mĭn, mât rong an nuĭh ƀon lan he gŭ ta dak bah dih.