Ta Davos, Thụy Sĩ, Thủ tướng Phạm Minh Chính mhe râng n’hanh geh nău lah ta tâm nchră "Dŏng AI tâm nău kan ƀư njêng keh mbrô n’hanh ƀư njêng Ntŭk rgum tơm prăk kaih lam ntŭk neh nkual ƀon têh Hồ Chí Minh". Ta tâm nchră, ăp đại biểu rgum tâm nchră mpeh dŏng trí tuệ nhân tạo (AI) tâm nău kan ƀư njêng keh mbrô n’hanh tâm boh ndrel Ntŭk rgum C4IR (Ntŭk rgum kan Cách mạng công nghiệp 4.0 lor bôk năp bah Việt Nam), nkoch nău tă ơm gĭt kan rdâk njêng n’hanh hun hao tâm boh ntŭk rgum kan prăk kaih bah băl tâm boh dak bah dih, trong tâm boh ndrel Ntŭk rgum tơm prăk  kaih dak bah dih nkual ƀon têh Hồ Chí Minh.

Lah ta rơh tâm nchră, Thủ tướng Phạm Minh Chính an lah mhe aơ, nău Ntŭk rgum kan Cách mạng Công nghiệp tâl 4 ta nkual ƀon têh Hồ Chí Minh dơi njêng lah tâm di đah trong nchrăp n’hanh rgop an ƀư uĕh Nghị quyết 57 bah Bộ Chính trị mpeh hun hao đăt ndal khoa học công nghệ, rgâl blău mhe, rgâl mbrô. Thủ tướng đă ăp đại biểu, ăp nuĭh ntuh kơl lam ntŭr neh rgop tay nău gay droh rklaih mpeh trong đă tĭng n’hanh trong rgum tơm ndơ gay hun hao đăt ndal khoa học công nghệ, rgâl blău ƀư mhe, rgâl mbrô.