UBND n’gor Dak Lak mhe ƀư Rƀŭn nchră n’gul gâl trong kan nkra rgâl hành chính 6 khay bôk năm n’hanh mbơh ƀư nău kan ăp khay dŭt năm 2024. Tâm 6 khay bôk năm 2024, UBND n’gor Dak Lak lĕ mbơh an HĐND n’gor ntrŭnh an 18 nghị quyết n’hanh 31 Nău ntrŭnh sam ƀŭt quy phạm pháp luật. Aƀaơ lĕ rngôch 19 ntil nău sam ƀŭt sam tra hành chính mpeh tâm nău dơi mkra bah 19 n’gâng kan, ban, nău kan dơi wơt dơn n’hanh săk rnglăy ta Ntŭk rhŏ nău kan hành chính nsum n’gor.

Bah meng ăp săk rnglăy dơi geh, trong kan nkra rgâl hành chính ta Dak Lak hôm e nkân du đêt nău mô hŏ dơi ƀư. Tĭng wa Nguyễn Tuấn Hà, Groi Kruanh rnâng kan UBND n’gor Dak Lak, gay n’hao nău ŭch bah nuĭh ƀon lan, rmôt kan đah nău rhŏ bah ngih pah kan hành chính ngih dak, ăp ntŭk an n’hao nău wât kỷ luật, nău rêh pah kan n’hanh nuih n’hâm rhŏ an nuĭh ƀon lan bah cán bộ, công chức tâm ƀư nău kan.