Kêng măng 30/9, ta nkual ƀon têh Buôn Ma Thuột, n’gor Dak Lak ƀư rgum nchră lam ntŭr neh n’hao dơi nău kan cán bộ mpeh mât uănh ngih dak tâm ntil nău mât njrăng nuĭh dŏng. Ndrel đah nkoch mpeh ăp nău mhe bah Luật Mât njrăng nău dơi nuĭh dŏng năm 2023 (geh tam bah lơ 1/7/2024), Rgum nchră lĕ an âk mông nar rblang ăp jêr jŏt, tâm trong kan mât njrăng nău dơi nuĭh dŏng.

Tĭng ăp đại biểu, năm bah năp, trong kan aơ hôm e ntoh âk nău uĕh, bah nău n’hao nău wât mpeh mât njrăng nău dơi nuĭh dŏng an lĕ kon nuĭh; ăp nău dŏng nâp nâl, dŏng “uĕh kloh”, njrăng n’gang ndơ rlăm... tât ăp nău ntoh mhe geh tâm rnôk rgum lăp wăng sa lam ntŭr neh kơt ăp nău ƀư mpla nsơ, ntop kơl mô ngăn, tăch ndơ đa cấp mô tâm di, mpla rlăm ta mạng xã hội... Lĕ rngôch ăp nău aơ an geh gĭt mhe gay n’hao săk rnglăy tâm trong kan mât njrăng nău geh bah nuĭh dŏng.