Tĭng nĕ, nkô̆ mpŏng ŭch hun hao lĕ rngôch bâh n’gor ngluh mbơh tâm rơh năm 2021-2030 lah n’hao nău rêh, ndơ dŏng, văn hóa n’hanh nău mĭn bâh ƀon lan geh rnoh râng geh âk ta lam dak, bâh nău nĕ, hun hao wăng sa, rêh jêng ngăch, nâp nâl, rdâk njêng Dak Lak jêng ntŭk kan tơm khlăy, du ntŭk hun hao bâh nkual Tây Nguyên, lăp kan ndrel n’hanh tâm rgop tĭng trong pơk mhe đah ta nkual n’hanh âk dak bah dih.

Tât năm 2050, Dak Lak lah ntŭk tât dŭt ŭch, ntŭk di rêh , rnă njrăng đăp mpăn, geh n’gâng kan wăng sa tĭng trong hun hao ueh nđir, nău knơm hun hao bâh n’gor geh n’hao âk, nău kan wăng sa tâm rmôt 25 n’gor dâk bôk năp ta lam dak. Gay ma dơi geh ăp nkô̆ mpŏng kan aơ, wa Đinh Trọng Thắn, kruanh ntŭk kan mât uănh nău nchrăp kan, n’gâng kan kế hoạch ntuh kơl an lah, Dak Lak an geh mât uănh tay lơn tât nău pă dăp du ntŭk kan na nê̆, kloh rjăp, gay ma der geh nău tih, nklơi dơm mô lah ƀư tih lĕ ntrong kan hun hao.