Ban Thường vụ Tỉnh ủy Dak Lak ƀư tâm nchră đăm gĭt jru, nkoch trêng ăp siƀŭt bah Trung ương n’hanh bah Tỉnh ủy. Ta tâm nchră, Ban Thường vụ Tỉnh ủy Dak Lak đăm gĭt jru ăp siƀŭt khlay bah Bộ Chính trị, Ban Bí thư n’hanh Tỉnh ủy, rgum tâm pah kan rdâk njêng Đảng; nău dơn kan, trong nkra njêng geh ntŭk nsing an hun hao jŏ jong ta bar keh mbrô tâm let năp tay; nô nău, lôch jêh kan bah lam trong kan chính trị n’hanh n’gâng kan bar gưl; trong nkra đăt ndal tâm sơch lăp kan, tâm pă, dŏng n’hanh kơl dơh cán bộ; n’hao dăng nău rđău kan bah Đảng đah pah kan njrăng n’gang, nkra bah khuch khat trôk nar lơh; tĭng ƀư nău dơn kan mbơh rblang an nău dŏng ndơ kan.

 Lah rđău đă ta rnôk tâm nchră, wa Cao Thị Hòa An, Groi Bí thư Rnâng kan Tỉnh ủy đă ăp gưl ủy mô uănh nău đăm gĭt ăp siƀŭt lah mbơh dơm, mô ndơ̆ klŭp an mpôl ƀư nsŏng kơl; ntrŏng aơ lah rêng ƀư ntơm bôk geh nkô̆ hôr khlay gay tâm ban geh nău gĭt, dơn ngoăy dâk kan tâm lam trong kan chính trị.