Gay kơl an ăp nŭih tơm nkra Trong cao tốc Khánh Hoà-Buôn Ma Thuột doh rklaih ‘ntŭk nkol” ê geh ntŭk ân ndŏk, kêng măng 21/5, UBND n’gor Dak Lak hŏ ntrŭnh nau ndâk 2 rmôt kan mêt uănh nau ƀư ăp ntŭk gay ma ân ndŏk rnôk aơ. Tĭng nê, nŭih kan bah 2 rmôt kan lah ntoh măt bah ăp n’gâng kan, ntŭk kan bah n’gor Dak Lak. Nau kan bah 2 rmôt kan lah mêt uănh ntŭk ân nsŏk manh rnôk aơ, gay kơl an nau ndâk nkra Trong ntuh kơl ndâk ƀư trong cao tốc Khánh Hoà-Buôn Ma Thuột, geh bôk nau kan nkra trong mrô 2 ndrel 3, yor Rnâng kan Mât bôk nau kan mrô 6.

N’gâng kan gung trong nchuăn rdeng, Rnâng kan Mât bôk nau kan ntuh kơl ndâk trong hăn ndrel tuch tăm Hun hao ƀon lan n’gor Dak Lak ƀư tơm ntuh kơl. Ăp rmôt kan ân geh ndơn ăp nau kan bah năp UBND n’gor tâm nau mêt uănh, rgum, đă UBND n’gor (bah ăp N’gâng kan ntŭk ntu gŭ âm) tâm ban mô lah mô geh tâm ban nau đă ntop tay ăp ntŭk ƀư ntŭk ân ndŏk rnôk aơ gay kơl an nau nkra trong, ân jêh bah năp lơ 29/5/2024./.