Công ty điện lực Dak Lak lĕ ƀư jao an giải an ăp kon hŏk geh giải têh ta rơh tâm rlong “Kon hŏk đah nău blău dŏng điện đăp mpăn, ntêm nkrem n’hanh săk rnglăy”. Rơh tâm rlong yor Tổng công ty điện lực Miền Trung rgŏ jă bah khay 12/2023 tât khay 3/2024 ta 13 n’gor tâm nkual miền Trung-Tây Nguyên. Tâm dĭng lĕ rlău 85.000 tác phẩm râng tâm rlong ta 3 nkô̆ nău (rup vẽ, video clip rblang nău n’hanh video nkoch trêng), ta Dak Lak geh bơi 10.100 tác phẩm. Jêh tâm rlong n’gor geh 2 giải têh.

Na nê̆, oh Vi Thị HThu Hà, jrô 5A, Ntŭk ntop kơl hun hao ntĭm nti n’hanh rgum lăp kon se kiet nte n’gor Dak Lak geh giải nhì; ăp oh Ngô Bảo Nam n’hanh Nguyễn Gia Hân, ngih sam ƀŭt tiểu học Lê Lợi (nkuăl Cư M’gar) geh giải khuyến khích, ndrel ta nkô̆ nău video rblang nău. Ndrel đah 2 giải êng du hê yor Tổng công ty điện lực Miền Nam an ndơ nkhôm, Điện lực Dak Lak rnê nkhôm 2 ngih sam ƀŭt geh kon hŏk geh giải.