Dak Lak ân ƀư rjăp, nâp lơn tay nau kan kơp uănh rnoh neh, rnoh geh cà phê rnôk aơ gay geh rnoh ân tâm di. Tă bah nê njêng ndơ tăch, nchrăp luh ăp nau kan tâm di gay hun hao cà phê nâp nâl”. Aơ lah nau đă bah rmôt kan mêt uănh HĐND n’gor Dak Lak tâm nar pah kan đah UBND n’gor mpeh nau ƀư nau ntrŭnh bah HĐND n’gor mpeh “Hun hao cà phê nâp nâl bah n’gor tât năm 2020 ndrel rƀŏng tât năm 2030” (ntơ lah nau ntrŭnh 24). Jêh 7 năm ƀư nau ntrŭnh 24 (ntơm 2017-2023), âk nkô̆ nau nchrăp luh kơt: rnoh geh rlau 510 rbăn tấn/năm, nau geh bơi tât 27 tạ/ha, hao 14% rđil nkô̆ nau ntrŭnh. Rnoh neh tăm cà phê geh kơp dơn rlau 30.300 ha, rnoh geh rlau 100 rbăn tấn, geh nklăp 90% rnoh geh cà phê dôl klih, pâr sơh ndrel mât tĭng tâm di nau ntrŭnh đă.

Tâm nar pah kan, ăp ntoh măt ân lah, nau ntrŭnh ƀư nau mrô 24 hôm âk nau ê dơi, nkol, ngăn lah nau kan geh manh tơm prăk gay ndâk tăm tay cà phê, ê geh nau kơl an tâm di đah ăp ntŭk kan ê nkra tuch tăm ndrel n’gor. Ndrel đah nê, nau ntrŭnh ƀư ăp nkô̆ nau bah nau ntrŭnh mrô 24 tât ntŭk kan tăch rgâl ê năn, du đê̆ nkuăl ê geh ntrŭnh nkô̆ nau bah nau ntrŭnh 24 tât ntŭk ƀư nau kan ê năn, du đê̆ nkuăl ê kơl an nau ntrŭnh kan tâm boh mô geh săk tam, rnoh neh tăm cà phê geh kơp dơn hôm dêh...Rmôt kan mêt uănh đă, ăp ntŭk kan ndrel n’gor ân geh ƀư rjăp lơn nau kan gay ntrŭnh ƀư nau ntrŭnh mrô 24 bah HĐND n’gor. Tâm nê, UBND n’gor ân ơm ƀư nchră nau ntrŭnh ngăn nau kan aơ./.