Nar ntri (8/7), Tỉnh uỷ Dak Lak ƀư Tâm nchră sơ kết pah kan hăn ôp uănh, groi nđôi n’hanh tĭng jăp nău Đảng 6 khay bôk  năm 2024, an ƀư nău dơn kan 6 khay kêng dŭt năm. Ta tâm nchră, ăp đại biểu hŏ dăn đă du đêt trong nkra gay tĭng ƀư geh nău tam pah kan hăn ôp uănh, groi nđôi n’hanh rmal nău tih tâm Đảng 6 khay kêng dŭt năm.

Tâm nê, ŭanh khlay pah kan rƀah gĭt nău lư ta ntŭk, trong kan dơh ntoh nău tih gay ƀư hăn ôp uănh rnôk geh nău mpơl tih đah mpôl kan đảng n’hanh đảng viên; n’hao dăng lơn đŏng pah kan nsum, tâm  ôp nău lư đah Uỷ ban kiểm tra đah ăp mpôl kan Đảng, nhih pah  kan đơn vị gay rmal cán bộ, đảng viên tih ăp kôp, năn ngăch đah nău tih Đảng đah nău tih rmal siƀŭt, nsum mpôl; rhuăt glêh mông nar nkra ăp nuĭh tih.