Ta rơh rƀŭn nchră, wa Lương Nguyễn Minh Triết, Bí thư n’gor Đăk Lăk lah na nê̆, nău kan săch kruanh lah nău kan khlăy ngăn mpeh chính trị, geh mbơh ƀư tâm rnôk lĕ Đảng, lĕ tahen nsrôih lôch geh nău dơi bâh Đaị hội đại biêủ lam dak tal 14 bâh Đảng n’hanh nchrăp vơt Tết Nguyên đán Bính Ngọ 2026. Ăp gưl uỷ, n’gâng kan, ăp ntŭk kan n’hanh ta ntŭk an geh n’hao nău dơn kan, leo kan, ƀư tĭng nău nchrăp, mât đăp mpăn ueh di, nău ueh n’hanh di nău ntrŭnh. Nău kan mbơh tơih rgŏ jă mpeh rơh săch kruanh geh n’hao tay, ntop ƀư ueh nău gĭt vât bâh ăp nuĭh cán bộ, đảng viên n’hanh ƀon lan mpeh nău dơi n’hanh nău khlăy pah kan bâh ƀon lan, njêng nău tâm rgop ntoh n’gor, mpŏng tât nar tâm mâp têh bâh lĕ ƀon lan.